बाजुरा, १३ असार: बाजुराको खप्तड छेडेदह गाउँपालिकामा रूखबाट खसेर गम्भीर घाइते भएकी एक बालिकाको उपचारका क्रममा मृत्यु भएको छ।

मृत्यु हुनेमा खप्तड छेडेदह गाउँपालिका–३ पुडाबाउलाकी आइते रावतकी नौ वर्षीया छोरी प्रिन्सा रावत रहेको जिल्ला प्रहरी कार्यालय बाजुराले जनाएको छ।

प्रहरीका अनुसार शनिबार घरनजिकैको बारीमा रहेको तिमिलाको रूखमा घाँस काट्ने क्रममा उनी लडेर गम्भीर घाइते भएकी थिइन्। उपचारका लागि अछामस्थित बयालपाटा अस्पताल लगिएकी उनको उपचारकै क्रममा मृत्यु भएको प्रहरीले जनाएको छ।