पार्टीको केन्द्रीय कमिटी सदस्यमा जेनजी पुस्ता अटाउनु भनेको सानो कुरा होइन : ओली

काठमाडौँ । नेकपा एमालेका अध्यक्ष केपी शर्मा ओलीले नयाँ पुस्तालाई नेतृत्वमा ल्याउने कुरा अन्य पार्टीले बोल्ने मात्र तर गरेर नदेखाएको बताएका छन्। शुक्रबार आयोजित नेकपा एमालेको केन्द्रीय कमिटीको प्रथम बैठकलाई सम्बोधन गर्दै उनले नेतृत्वमा केही नयाँ पुस्तालाई पनि ल्याउनुपर्छ भनेर अरुले कुरा मात्र गर्ने भन्दै एमालेले त्यो काम गरेर देखाएको बताए ।

पार्टीको केन्द्रीय कमिटीको सदस्यमा जेनजी पुस्ता अटाउनु भनेको सानो कुरा नभएको उनको भनाइ छ। उनले भने, ‘नेतृत्वमा केही नयाँ पुस्तालाई पनि ल्याउनुपर्छ भनेर अरुले कुरा गर्छन् । हस्तान्तरण पुस्तान्तरणका कुरा गर्छन्। अरुले हामी कामबाट देखाउछौं। हामीले देखाएका पनि छौं। हामीभित्र यस्तो सन्तुलनकारी केन्द्रीय कमिटी छ । नयाँ पुस्ता पनि भरपूर छ, महिलाहरूको राम्रो सहभागिता छ। यत्रो पार्टीको केन्द्रीय कमिटीको सदस्यमा जेनजी पुस्ता अटाउनु भनेको सानो कुरा होइन ।’

यस्तै, उनले देश जटिल अवस्थालाई सजिलो अवस्थामा पुर्‍याउने अभिभारा पार्टीको काँधमा रहेको भन्दै नेकपा एमाले बाहेक यो काम कसैले गर्न नसक्ने बताए ।

एक्सप्रेस

सम्बन्धित खबर

कांग्रेस महाधिवेशन २६ पुसदेखि काठमाडौंमा हुने

काठमाडौँ । नेपाली कांग्रेसको १५औं महाधिवेशन पुसको २६ गतेदेखि काठमाडौंमा हुने भएको छ । २६ देखि २८ गतेसम्म काठमाडौंमा गर्नेगरी निर्णय भएको प्रवक्ता डा। प्रकाशशरण महतले जानकारी दिएका छन् । यससँगै विशेष महाधिवेशनको आवस्यकत...

समानुपातिक निर्वाचन प्रणालीतर्फ भाग लिने दलहरूलाई निवेदन दिन आह्वान

काठमाडौँ । निर्वाचन आयोगले आसन्न प्रतिनिधि सभा सदस्य निर्वाचनका लागि समानुपातिक निर्वाचन प्रणालीतर्फको निर्वाचनमा भाग लिन चाहने राजनीतिक दलहरूलाई निवेदन दिन आह्वान गरेको छ । आयोगले आज सूचना प्रकाशन गरी उक्त प्रणालीतर्फ...

केपी ओलीको विकल्पमा आइन् विद्या भण्डारी

आफू एमालेको राजनीतिमा फर्कने घोषणा गर्दा हलले गरेको साथ देखेर उत्साहित पूर्वराष्ट्रपति भण्डारीले मदनकै शब्द सापटी लिएर केही संकल्प पनि गरेकी छन् ‘अब म नेकपा एमाले परिवारको एक सदस्यको रुपमा पुन: जोडिएको छु, र यसमा म गर्व गर्दछु । मेरो कुनै विशिष्ट महत...