कुलमानले गरे विपद् प्रभावित रोशी क्षेत्रको निरीक्षण

काठमाडौँ । ऊर्जा, जलस्रोत तथा सिँचाइ, भौतिक पूर्वाधार तथा यातायात तथा सहरी विकास मन्त्री कुलमान घिसिङले गत वर्ष असोजमा परेको अविरल वर्षासँगै आएको बाढी र पहिरोले क्षति पुर्‍याएको काभ्रेपलान्चोकको रोशी गाउँपालिका र नमोबुद्ध नगरपालिकाका विभिन्न वडाको स्थलगत निरीक्षण गरेका छन् ।

क्षति प्रभावित क्षेत्रका बासिन्दाहरूले सडक, पुल, खानेपानी र स्वास्थ्य चौकीहरू अझै पुनर्निर्माण नभएको गुनासो गरेपछि मन्त्री घिसिङले सडक विभागका महानिर्देशक, स्थानीय पूर्वाधार विकास विभागका महानिर्देशक, सिँचाइ डिभिजन प्रमुखलगायतको टोलीसहित निरीक्षण गरेका हुन् ।

निरीक्षणको क्रममा मन्त्री घिसिङले रोशी नदीले पुर्‍याएका क्षति भएका संरचनाको पुनर्निर्माण प्राथमिकतामा राखेर काम अगाडि बढाइने बताए । उनले भने, ुसरकारको प्राथमिकता चुनाव सम्पन्न गर्नु भए पनि प्रभावकारी सेवा प्रवाह र विपद् प्रभावित क्षेत्रको पुनर्स्थापना छिटो सम्पन्न गर्न बजेट विनियोजन गरी काम भइरहेको छ।

गत वर्षको १०, ११ र १२ गतेको अविरल वर्षाले रोशी गाउँपालिका(१, २ र ३ तथा नमोबुद्ध नगरपालिका–८ र ९ का सडक, फलामे साँघु पुल र अन्य पूर्वाधारमा क्षति पुर्‍याएको थियो । नदी किनार संरक्षण नगरेमा पुल नै बग्ने सम्भावना रहेको बताइएको छ ।

एक्सप्रेस

सम्बन्धित खबर

नेपालको भ्रमण गर्न विश्व समुदायलाई अर्थमन्त्री खनालको आग्रह

काठमाण्डौँ । अर्थमन्त्री रामेश्वरप्रसाद खनालले नेपाल प्राकृतिक र सांस्कृतिक सम्पदाले धनी देश भएकाले नेपाल भ्रमणको लागि विश्व समुदायलाई आग्रह गरेका छन् । बिहीबार विश्व बैंक समूहले यहाँ आयोजना गरेको ‘दिगो पर्यटनः रोजगारी, जीवन...

सरकारले नयाँ नीति ल्यायो

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...