सभामा प्रधानमन्त्रीको जवाफ माग्दै विपक्षी दल आक्रामक
-
माहिर न्युज
- आइत, १४ असार २०८३
काठमाडौँ, १४ असार : प्रमुख प्रतिपक्षी नेपाली कांग्रेससहित विपक्षी दलहरूले मुलुकको सीमा सम्बन्धमा प्रधानमन्त्री वालेन्द्र शाहले दिएको अभिव्यक्तिबारे संसद्मै आएर पुनः स्पष्ट पार्नुपर्ने माग गरेका छन्।
प्रतिनिधिसभाको आजको बैठक
सुरु हुनेबित्तिकै विपक्षी दलका सांसदहरू आफ्ना आसनबाट उठेपछि सभामुख डोलप्रसाद
अर्यालले उनीहरूलाई आफ्नो धारणा राख्न समय दिनुभएको थियो।
नेपाली कांग्रेसकी सांसद
रेनुका काउँचाले संसद्मा स्पष्ट पार्नुपर्ने विषय प्रधानमन्त्रीले पार्टीको
महाधिवेशनमा उठाएको भन्दै त्यसले संसद्को गरिमामाथि प्रश्न उठाएको बताउनुभयो।
उहाँले राष्ट्रिय महत्वका विषयमा प्रधानमन्त्रीले संसद्मै जवाफ दिनुपर्ने धारणा
राख्नुभयो।
नेकपा (एमाले)का सांसद डा.
पुष्पराज कँडेलले पनि प्रधानमन्त्री तत्काल संसद्मा उपस्थित भएर सीमा सम्बन्धी
अभिव्यक्तिबारे स्पष्ट पार्नुपर्ने माग गर्नुभयो। साथै, उहाँले एमालेका उपाध्यक्ष विष्णुप्रसाद पौडेललाई सरकारले
पूर्वाग्रहका आधारमा पक्राउ गरेको आरोपसमेत लगाउनुभयो।
नेपाल कम्युनिष्ट पार्टीका
सांसद युवराज दुलालले सङ्घीय लोकतान्त्रिक गणतन्त्रलाई थप सुदृढ बनाउने दिशामा
सरकारले प्रभावकारी पहल गर्नुपर्नेमा जोड दिनुभयो। उहाँले प्रदेशसभा खारेज गरी
सङ्घीयताको पुनःसंरचना गर्ने सत्तारुढ राष्ट्रिय स्वतन्त्र पार्टीको प्रस्तावप्रति
असहमति जनाउनुभयो।
श्रम संस्कृति पार्टीका
सांसद आरेन राईले राष्ट्रियतासँग जोडिएका संवेदनशील विषयमा प्रधानमन्त्री संसद्मा
उपस्थित भएर स्पष्ट धारणा सार्वजनिक गर्नुपर्ने माग गर्नुभयो।
सम्बन्धित खबर
अनिश्चित विश्व अर्थतन्त्रबीच नेपालमा ३.८५ प्रतिशत आर्थिक वृद्धि अनुमान
काठमाडौं । विश्व अर्थतन्त्र सुस्त बन्दै गएको र विभिन्न क्षेत्रीय द्वन...
सामान्य प्रशासनमन्त्री गुप्तालाई हटाउने तयारी
विद्यालयबाट घर फर्कंदै गरेका दुई बालकलाई भेलले बगायो, एकको मृत्यु, अर्का अझै बेपत्ता
प्युठानको नौबहिनी गाउँपालिका–५ डाम्री काँटेमा वर्षासँगै आएको आकस्मिक बाढीले दुई बालकलाई बगाउँदा एक जनाको ज्यान गएको छ भने अर्का बालक अझै बेपत्ता रहेका छन्।
स्थानीय याम बहादुर खत्रीका दुई छोरा, कक्षा १ मा अध्ययनरत करिब ७ वर्षीय बिमल खत्री...
लुम्बिनी प्रदेश प्रहरी कार्यसम्पादनमा देशकै उत्कृष्ट
सिद्धार्थनगर (भैरहवा), १३ असारः नेपाल प्रहरी प्रधान कार्यालयले सार्वजनिक गरेको आर्थिक वर्ष २०८२/८३ को जेठ महिनाको कार्यसम्पादन मूल्याङ्कन (रिपोर्ट कार्ड) अनुसार लुम्बिनी प्रदेश प्रहरी कार्यालय लगातार दोस्रो महिना देशभरका प्रदेश प्...