बागमती नदीमा डुबेर दुई बालकको मृत्यु

चन्द्रपुर (रौतहट), असार १४: रौतहटको बागमती नदीमा नुहाउन गएका दुई बालकको डुबेर मृत्यु भएको छ।

मृत्यु हुनेमा गढीमाई नगरपालिका–१ समनपुर हरैयाका भन्टु राय यादवका आठ वर्षीय छोरा अनिकेश यादव र सोही गाउँका सुरेश यादवका आठ वर्षीय छोरा आदित्य यादव रहेका छन्।

जिल्ला प्रहरी कार्यालय रौतहटका प्रहरी नायब उपरीक्षक वसन्त गौतमका अनुसार दुवै बालक गाउँ नजिकै रहेको बागमती नदीमा नुहाउन गएका बेला डुबेका हुन्।

बालकहरू हराएको सूचना प्राप्त भएपछि इलाका प्रहरी कार्यालय समनपुरबाट प्रहरी नायब निरीक्षक मुना पासवानको नेतृत्वमा खटिएको प्रहरी टोलीले खोजीकार्य गरेको प्रहरीले जनाएको छ।