केपी ओलीलाई योगेशको जवाफ : एमालेलाई बहुआयामिक पुनर्गठन गर्न चाहन्छौँ

काठमाडौँ । नेकपा एमालेका सचिव योगेश भट्टराईले पार्टीभित्र बहुआयामिक पुनर्गठनको आवश्यकता रहेको बताएका छन् । नेकपा एमालेका अध्यक्ष केपी ओलीले केही नेताहरूले उपद्रो मच्चाउँदै आफ्नै राजीनामा मागेको भन्दै असन्तुष्टि जनाएपछि भट्टराईले सामाजिक सञ्जालमार्फत प्रतिक्रिया दिँदै पार्टी पुनर्गठनको आवश्यकता औँल्याएका हुन् ।

उनले अध्यक्ष ओलीमाथि लक्षित टिप्पणी गर्दै पार्टीलाई नयाँ स्वरूपमा पुनर्गठन गर्नुपर्ने धारणा राखेका हुन् । भट्टराईले शनिबार फेसबुकमा भनेका छन्, ुकमरेड मदन भण्डारीले प्रतिपादन गर्नुभएको विचारका आधारमा पार्टीलाई बहुआयामिक पुनर्गठन गरी नयाँ चुनौतीको सामना गर्न एकताबद्ध बन्नुपर्छ।ु

२३ र २४ गतेको जेनजी आन्दोलनपछि भट्टराई पार्टी पुनर्गठनको पक्षमा उभिएका छन् । तर संस्थापन पक्ष भने अझै पनि ओलीको नेतृत्वमा अडिग देखिन्छ र अन्य वैकल्पिक धारणा स्वीकृत गर्ने तयारी देखिँदैन। यता विद्या भण्डारी निकट समूहले आगामी ११औँ महाधिवेशनमा अध्यक्ष ओलीविरुद्ध ईश्वर पोखरेललाई नेतृत्वको प्रतिस्पर्धामा उतार्ने तयारी गरेको बताइएको छ ।

एक्सप्रेस

सम्बन्धित खबर

एमालेमा हलचल, तर खुल्न डर

आफू एमालेको राजनीतिमा फर्कने घोषणा गर्दा हलले गरेको साथ देखेर उत्साहित पूर्वराष्ट्रपति भण्डारीले मदनकै शब्द सापटी लिएर केही संकल्प पनि गरेकी छन् ‘अब म नेकपा एमाले परिवारको एक सदस्यको रुपमा पुन: जोडिएको छु, र यसमा म गर्व गर्दछु । मेरो कुनै विशिष्ट महत...