काठमाडौँ, १४ असारः कालीमाटी फलफूल तथा तरकारी बजार विकास समितिले आजका लागि कृषि उपजको अधिकतम थोक मूल्य सार्वजनिक गरेको छ। समितिले तरकारी, फलफूल, सागपात तथा अन्य कृषि उपजको प्रतिकिलो तथा प्रतिदर्जन मूल्य निर्धारण गरेको हो।

समितिका अनुसार ठूलो नेपाली गोलभेँडा प्रतिकिलो रु ५०, सानो लोकल गोलभेँडा रु १०, टनेल गोलभेँडा रु २०, रातो आलु रु ३० देखि ४० र भारतीय सुकेको प्याज प्रतिकिलो रु ५५ कायम गरिएको छ।

हरियो तरकारीतर्फ स्थानीय गाजर प्रतिकिलो रु १००, स्थानीय बन्दा रु ६०, स्थानीय काउली रु ९०, रातो मूला रु ३०, सेतो हाइब्रिड मूला रु २०, लाम्चो भन्टा रु २० र डल्लो भन्टा रु ३० निर्धारण गरिएको छ।

त्यस्तै, बोडी प्रतिकिलो रु ४०, मकै बोडी रु ५०, मटरकोसा रु १३०, घिउ सिमी रु ६० देखि ८०, टाटे सिमी रु ५०, भटमासकोसा रु १००, तीते करेला रु ३०, लौका रु ४०, परवर रु ४०, चिचिण्डो रु ३०, घिरौँला रु ४०, झिगुनी रु ५०, पाकेको फर्सी रु ६०, हरियो फर्सी रु ३० देखि ५०, भिन्डी रु ३०, सखरखण्ड रु १२०, पिँडालु रु १०० र इस्कुस रु ६० कायम भएको छ।

सागपाततर्फ रायो साग रु ४०, पालुङ्गो र चम्सुरको साग रु ६०, तोरीको साग रु ५० तथा हरियो प्याज प्रतिकिलो रु १५० तोकिएको छ। च्याउमध्ये कन्ये च्याउ रु २८०, डल्ले च्याउ रु ४८०, राजा च्याउ रु ३०० र सिताके च्याउ रु १,००० प्रतिकिलो कायम गरिएको छ।

अन्य कृषि उपजमा कुरिलो प्रतिकिलो रु ३००, निगुरो रु १००, ब्रोकाउली र चुकन्दर रु ७०, सजीवन रु २५०, रातो बन्दा रु ४०, जिरीको साग रु ९०, सेलरी रु १६०, पार्सले रु ३५०, पुदिना रु २००, इमली रु १८०, तामा र तोफु रु १६० तथा गुन्द्रुक प्रतिकिलो रु ३५० निर्धारण गरिएको छ।

फलफूलतर्फ फुजी स्याउ प्रतिकिलो रु ३००, नेपाली केरा प्रतिदर्जन रु २५०, मालभोग केरा रु २००, कागती रु २००, अनार रु ४५०, मालदह आँप रु ९०, दशहरी आँप रु १००, हरियो तरबुजा रु ६०, जुनार रु २३०, भुइँकटहर प्रतिगोटा रु २००, स्थानीय काँक्रो रु ७०, हाइब्रिड काँक्रो रु ३०, रूखकटहर रु ५०, चाइनिज नासपाती रु २५०, नेपाली मेवा रु ९०, भारतीय मेवा रु १२०, स्थानीय लिची रु २००, भारतीय लिची रु ३०० तथा काँचो नरिवल प्रतिकिलो रु ८० कायम गरिएको समितिले जनाएको छ।