लुम्बिनी, १४ असारः नियमित गस्तीमा रहेको प्रहरी टोलीले भारतबाट भन्सार छली गरी ल्याइएका करिब रु २४ लाख मूल्यका आईफोन बरामद गरेको छ।

जिल्ला प्रहरी कार्यालय रुपन्देहीका प्रहरी नायब उपरीक्षक कृष्णकुमार चन्दका अनुसार रुपन्देहीको ओमसतिया गाउँपालिका–४, सानो बालापुर क्षेत्रमा गरिएको गस्तीका क्रममा रु २३ लाख ९० हजार बराबरका एप्पल कम्पनीका विभिन्न मोडलका आईफोन बरामद गरिएको हो।

बरामद गरिएका मोबाइल थप अनुसन्धान तथा आवश्यक कानुनी कारबाहीका लागि सम्बन्धित निकायमा बुझाउने प्रक्रिया अघि बढाइएको प्रहरीले जनाएको छ।