काठमाडौँ ।  १३ असार — नियमित गस्तीका क्रममा देशका विभिन्न स्थानमा प्रहरीले गरेको कारबाहीमा लागुऔषधसहित १४ जना व्यक्ति पक्राउ परेका छन्।

केन्द्रीय प्रहरी समाचार कक्षका अनुसार बाँकेबाट पाँच, मकवानपुरबाट तीन, कैलाली र दाङबाट दुई–दुई तथा सुनसरी र काठमाडौँबाट एक–एक जना पक्राउ परेका हुन्।

पक्राउ परेकाहरूको साथबाट गाँजा, अफिम, खैरो हेरोइन तथा चिकित्सकको सिफारिसमा मात्र प्रयोग गर्न पाइने ट्रामाडोल र स्पास्मो बरामद गरिएको प्रहरीले जनाएको छ।