काठमाडौँ, १४ असार — स्थानीय बजारमा आइतबार सुन र चाँदी दुवैको मूल्य उल्लेखनीय रूपमा बढेको छ। नेपाल सुनचाँदी व्यवसायी महासङ्घका अनुसार अघिल्लो कारोबार दिन (शुक्रबार)को तुलनामा सुन प्रतितोला रु ४ हजार ७०० र चाँदी प्रतितोला रु १४५ ले वृद्धि भएको हो।

महासङ्घले आजका लागि छापावाल सुनको मूल्य प्रतितोला रु २ लाख ८३ हजार ८०० निर्धारण गरेको छ। त्यसैगरी चाँदीको मूल्य प्रतितोला रु ४ हजार ३२५ कायम गरिएको छ।

गत शुक्रबार छापावाल सुन प्रतितोला रु २ लाख ७९ हजार १०० र चाँदी रु ४ हजार १८० मा कारोबार भएको थियो।

अन्तर्राष्ट्रिय बजारमा पनि बहुमूल्य धातुको मूल्य उच्च रहेको छ। अन्तर्राष्ट्रिय सञ्चारमाध्यमका अनुसार आज सुन प्रतिऔँस ४ हजार ८ अमेरिकी डलर तथा चाँदी प्रतिऔँस ५६ अमेरिकी डलरमा कारोबार भइरहेको छ।