सभामा प्रधानमन्त्रीको जवाफ माग्दै विपक्षी दल आक्रामक
-
माहिर न्युज
- आइत, १४ असार २०८३
काठमाडौँ, १४ असार : प्रमुख प्रतिपक्षी नेपाली कांग्रेससहित विपक्षी दलहरूले मुलुकको सीमा सम्बन्धमा प्रधानमन्त्री वालेन्द्र शाहले दिएको अभिव्यक्तिबारे संसद्मै आएर पुनः स्पष्ट पार्नुपर्ने माग गरेका छन्।
प्रतिनिधिसभाको आजको बैठक
सुरु हुनेबित्तिकै विपक्षी दलका सांसदहरू आफ्ना आसनबाट उठेपछि सभामुख डोलप्रसाद
अर्यालले उनीहरूलाई आफ्नो धारणा राख्न समय दिनुभएको थियो।
नेपाली कांग्रेसकी सांसद
रेनुका काउँचाले संसद्मा स्पष्ट पार्नुपर्ने विषय प्रधानमन्त्रीले पार्टीको
महाधिवेशनमा उठाएको भन्दै त्यसले संसद्को गरिमामाथि प्रश्न उठाएको बताउनुभयो।
उहाँले राष्ट्रिय महत्वका विषयमा प्रधानमन्त्रीले संसद्मै जवाफ दिनुपर्ने धारणा
राख्नुभयो।
नेकपा (एमाले)का सांसद डा.
पुष्पराज कँडेलले पनि प्रधानमन्त्री तत्काल संसद्मा उपस्थित भएर सीमा सम्बन्धी
अभिव्यक्तिबारे स्पष्ट पार्नुपर्ने माग गर्नुभयो। साथै, उहाँले एमालेका उपाध्यक्ष विष्णुप्रसाद पौडेललाई सरकारले
पूर्वाग्रहका आधारमा पक्राउ गरेको आरोपसमेत लगाउनुभयो।
नेपाल कम्युनिष्ट पार्टीका
सांसद युवराज दुलालले सङ्घीय लोकतान्त्रिक गणतन्त्रलाई थप सुदृढ बनाउने दिशामा
सरकारले प्रभावकारी पहल गर्नुपर्नेमा जोड दिनुभयो। उहाँले प्रदेशसभा खारेज गरी
सङ्घीयताको पुनःसंरचना गर्ने सत्तारुढ राष्ट्रिय स्वतन्त्र पार्टीको प्रस्तावप्रति
असहमति जनाउनुभयो।
श्रम संस्कृति पार्टीका
सांसद आरेन राईले राष्ट्रियतासँग जोडिएका संवेदनशील विषयमा प्रधानमन्त्री संसद्मा
उपस्थित भएर स्पष्ट धारणा सार्वजनिक गर्नुपर्ने माग गर्नुभयो।
एक्सप्रेस
सम्बन्धित खबर
गुल्मीका स्थानीय तहमा बेरुजु : धुर्कोट शून्य, मुसिकोट सबैभन्दा बढी
ताजिया मेला हेर्न गएका दुई बालक नदीमा डुबे, एकको मृत्यु, अर्का बेपत्ता
सिद्धार्थनगर (भैरहवा), १४ असारः मोहर्रम पर्वका अवसरमा रूपन्देहीको रोहिणी गाउँपालिका–१ गुजरपुरवास्थित रोहिणी नदी किनारमा लागेको ताजिया मेला हेर्न गएका दुई बालक नदीमा डुब्दा एक जनाको मृत्यु भएको छ भने अर्का एक जना अझै बेपत्ता छन्।
राप्ती नदी किनारमा गोहीको आक्रमण, घाँस काट्न गएका ५६ वर्षीय पुरुषको मृत्यु
चितवन । चितवनमा गोहीको आक...
३० वर्ष सेवा वा ५५ वर्ष उमेर पुगेपछि अनिवार्य अवकाशको तयारीमा सरकार
काठमाडौं । सरकारले निजामती सेवामा व्यापक सुधारको तयारीस्वरूप ३० वर्ष सेवा अवधि पूरा गरेका वा ५५ वर्ष उमेर पुगेका कर्मचारीलाई अनिवार्य अवकाश दिने व्यवस्था ल्याउने गृहकार्य अघि बढाएको छ।
यसका लागि संघीय निजामती सेवा ऐन संशो...
पब्जी खेलेरै ‘किलर वाईटी’ ले परिवारलाई दिएको खुसी
जनकपुरको जिरोमाइल फलफूल मण्डी विवादः व्यवसायीको दुई महिनाको मोहलत माग, जग्गाधनीको तत्काल खाली गराउने अडान
जनकपुरधामको जिरोमाइलस्थित फलफूल मण्डीका व्यवसायीहरू बजार खाली गराउने प्रक्रियाविरुद्ध धर्नामा बसेका छन्। आँपको सिजन सुरु भइसकेको अवस्थामा वैकल्पिक व्यवस्थाबिनै तत्काल स्थान छाड्न दबाब दिइएको भन्दै उनीहर...