काठमाडौँ, १४ असार — प्रतिनिधिसभाबाट आर्थिक विधेयक, २०८३ बहुमतले पारित भएको छ। आजको बैठकमा अर्थमन्त्री डा. स्वर्णिम वाग्लेले प्रस्तुत गर्नुभएको उक्त विधेयक पारित गरियोस् भन्ने प्रस्ताव बहुमतबाट स्वीकृत भएको हो।

बैठकका क्रममा सांसदहरू हरिप्रसाद भुसाल र सुशील खड्काले विधेयकमाथि राख्नुभएको संशोधन फिर्ता लिनुभएको थियो। त्यस्तै, सांसदहरू गङ्गालक्ष्मी अवाल, डा. पुष्पराज कँडेल, हर्कराज राई, पार्वती विक र नरेन्द्रकुमार केरुङले दर्ता गर्नुभएको संशोधन भने बहुमतले अस्वीकृत गरेको थियो।

यसैबीच, प्रतिनिधिसभामा ‘राष्ट्र ऋण उठाउने विधेयक, २०८३’ माथि दफावार छलफल जारी रहेको छ।