पहिरोका कारण मेची राजमार्ग अवरुद्ध, यात्रु अलपत्र
फिक्कल (इलाम), १४ असारः लगातारको वर्षासँगै आएको पहिरोका कारण मेची राजमार्गअन्तर्गत इलामको गोलाखर्क–राजदुवाली सडकखण्ड अवरुद्ध भएको छ।
इलाम नगरपालिका–९ स्थित माईखोलामा सडकमाथिबाट लेदोसहितको पहिरो खसेपछि सडक पूर्ण रूपमा बन्द भएको प्रमुख जिल्ला अधिकारी लक्ष्मण ढकालले जानकारी दिनुभयो। उहाँका अनुसार उक्त सडकखण्डमा यसअघि पनि पटक–पटक लेदोसहितको पहिरो झर्ने र सवारी आवागमन अवरुद्ध हुने समस्या दोहोरिँदै आएको छ।
सडक खुलाउने प्रयासस्वरूप बिहानैदेखि पहिरो पन्छाउने काम भइरहेको छ। हाल साना सवारीसाधनलाई एकतर्फी रूपमा सञ्चालन गराउने तयारी भइरहेको भए पनि लगातार लेदो झरिरहेकाले ठूला सवारीसाधन सञ्चालनमा आउन भने केही समय लाग्ने जनाइएको छ।
“गएरातिदेखि लेदोसहितको पहिरो झरेकाले सडक पूर्ण रूपमा अवरुद्ध छ। साना सवारीसाधन एकतर्फी रूपमा सञ्चालन गराउन बिहानैदेखि पहिरो पन्छाउने काम भइरहेको छ। सडक पूर्ण रूपमा सञ्चालनमा आउन केही समय लाग्न सक्छ,” प्रमुख जिल्ला अधिकारी ढकालले भन्नुभयो।
यसैबीच, मेची राजमार्गअन्तर्गत रोङ गाउँपालिका–४ स्थित इलाम–झापा सीमाक्षेत्रमा ढिस्को र दुईवटा रूख ढलेपछि अर्को सडकखण्ड पनि अवरुद्ध भएको जिल्ला प्रहरी कार्यालय इलामले जनाएको छ। प्रहरी उपरीक्षक कुलदीप चन्दका अनुसार उक्त स्थानमा पनि सडक खुलाउने प्रयास जारी छ।
सडक अवरुद्ध हुँदा इलाम, पाँचथर, ताप्लेजुङ र झापाका यात्रु प्रत्यक्ष रूपमा प्रभावित भएका छन्। इलाम, पाँचथर र ताप्लेजुङबाट झापा तथा झापाबाट पूर्वी पहाडी जिल्लातर्फ जाने सवारीसाधन बीच बाटोमै रोकिँदा यात्रु अलपत्र परेका छन्।
एक्सप्रेस
सम्बन्धित खबर
गुल्मीमा भीषण हावाहुरीको कहर : सयौँ परिवार प्रभावित, संसदमा सांसद पन्थीको ध्यानाकर्षण
गुल्मी जिल्लाको मालिका गाउँपालिका मा गएराति आएको आकस्मिक हावाहुरीसहितको वर्षाले ठूलो जनधनको क्षति पुर्याएको छ। राति करिब ८ बजेदेखि ९ बजेको...
राप्ती नदी किनारमा गोहीको आक्रमण, घाँस काट्न गएका ५६ वर्षीय पुरुषको मृत्यु
चितवन । चितवनमा गोहीको आक...
साउदीसँग श्रममन्त्री यादवको आग्रह : नेपाली श्रमिकको भिसा नरोकिने व्यवस्था गर्न अनुरोध
काठमाडौं, असार १३ — युवा, श्रम तथा रोजगारमन्त्री रामजी यादवले नेपालका लागि साउदी अरबका राजदूत फहद मोहम्मद ए. मिएखरसँग शिष्टाचार भेटवार्ता गर्दै नेपाली श्रमिकसँग सम्बन्धित विभिन्न विषयमा छलफल गर्नुभएको छ।
भेटका क्रममा मन्त...



